Advertenties
Beschikbare talen
Beschikbare talen
e përdorni pajisjen nëse jeni i lodhur ose nën ndikimin e drogës, alkoolit
ose të medikamenteve.
Një moment pakujdesie gjatë përdorimit të pajisjes mund të shkaktojë lëndime të
rënda.
b) Mbani pajisje mbrojtëse personale dhe mbani gjithmonë syze
mbrojtëse. Mbajtja e pajisjeve mbrojtëse personale si një maske për pluhurin,
këpucëve të sigurisë kundër rrëshqitjes, kaskës mbrojtëse ose mbrojtëses së
dëgjimit, në varësi të kushteve përkatëse, ul rrezikun e lëndimeve.
c) Shmangni ndezjen e pajisjes në mënyrë të paqëllimshme. Sigurohuni
që pajisja të jetë e fikur para se ta lidhni me burimin e energjisë dhe/ose
baterinë, para se ta ngrini ose ta bartni. Mbajtja e pajisjes me gishtin te çelësi
apo vënia e saj në punë ndërkohë që çelësi është i ndezur, mund të shkaktojë
incidente.
d) Hiqni veglat e kalibrimit ose çelësat para se ta ndizni pajisjen. Një vegël
ose një çelës i lënë brenda një pjese rrotulluese të pajisjes mund të shkaktojë
lëndim.
e) Mbani posturë të mirë. Kujdesuni për një qëndrim të sigurt dhe mbani
gjatë gjithë kohës ekuilibrin. Në këtë mënyrë mund ta kontrolloni më mirë
pajisjen në situata të papritura.
f) Përdorni veshje të përshtatshme. Mos mbani rroba të gjera ose
bizhuteri. Mbajini flokët, rrobat dhe dorezat larg nga pjesët e lëvizshme.
Rrobat e gjera, bizhuteritë ose flokët e gjata mund të kapen nga pjesët e
lëvizshme.
g) Nëse mund të përshtaten pajisje për të nxjerrë dhe mbledhur pluhurin,
duhet të lidhen dhe përdoren në mënyrën e duhur. Përdorimi i një thithëse
pluhuri mund të ulë rreziqet për shkak të tymrave.
h) Mos u gënjeni nga ndjesia e rreme e sigurisë dhe mos i anashkaloni
rregullat e sigurisë për pajisjet edhe nëse jeni tashmë të njohur me
pajisjen elektrike për shkak të përdorimit të vazhdueshëm. Përdorimi
i shkujdesur mund të çojë në lëndime të rënda brenda një fraksioni sekondi.
4) Përdorimi dhe kujdesi për pajisjen
a) Mos e mbingarkoni pajisjen. Përdorni pajisjen përkatëse për qëllimin
e caktuar. Me pajisjen e duhur punoni më mirë dhe më i sigurt sipas normës
përkatëse të efikasitetit.
b) Mos përdorni një pajisje me çelës me defekt. Një pajisje e cila nuk mund
të kontrollohet me anë të çelësit përbën rrezik dhe duhet të riparohet.
c) Hiqeni spinën nga priza dhe/ose hiqeni baterinë para se ta konfiguroni
pajisjen, të ndryshoni aksesorët ose të magazinoni pajisjen. Kjo masë
parandaluese pengon ndezjen aksidentale të pajisjes.
d) Mbajini pajisjet që nuk jeni duke i përdorur larg fëmijëve dhe mos
lejoni që të përdoren nga persona që nuk janë të familjarizuar me to ose
me këto udhëzime. Pajisjet janë të rrezikshme nëse përdoren nga persona pa
përvojë.
e) Mirëmbajini pajisjet me kujdes. Kontrolloni për keqvendosje ose
ngecje të pjesëve të lëvizshme, thyerje të pjesëve dhe ndonjë problem
tjetër që mund të ndikojë në përdorimin e pajisjes. Riparojini pjesët e
dëmtuara para se ta përdorni pajisjen. Shumë aksidente vijnë si pasojë e
mosmirëmbajtjes së duhur të pajisjeve.
f) Mbajini veglat prerëse të mprehta dhe të pastra. Veglat prerëse të
mirëmbajtura me kujdes e me tehe prerës të mprehta kanë më pak gjasa të
ngecin dhe janë më të lehta për t'u manovruar.
g) Përdorini pajisjet, aksesorët, veglat e punës etj. në përputhje me
këto udhëzime, duke pasur parasysh kushtet e punës dhe punën që do
të kryhet. Përdorimi i pajisjes për qëllime të tjera të ndryshme nga ato që janë
parashikuar mund të shkaktojë situata të rrezikshme.
h) Mbajini dorezat dhe sipërfaqet e kapjes të thata, të pastra dhe pa vaj
ose graso. Doreza dhe sipërfaqet e kapjes që rrëshqasin nuk lejojnë operim dhe
kontroll të sigurt të pajisjes në situata të paparashikueshme.
5) Përdorimi dhe kujdesi për baterinë
a) Për të karikuar bateritë, përdorni vetëm karikues baterish të
rekomanduara nga prodhuesi. Një karikues i cili është i përshtatshëm për një
lloj të caktuar baterish mund të paraqesë rrezik zjarri nëse përdoret me bateri
të tjera.
b) Përdorni vetëm bateritë e përcaktuara për pajisjen. Përdorimi i baterive
të tjera mund të shkaktojë plagosje ose rrezik zjarri.
c) Kur bateria nuk përdoret, mbajeni larg nga kapëset e letrës, monedhat,
çelësat, gozhdët, vidat ose nga objektet e tjera të vogla metalike, pasi
mund të krijojnë lidhje nga njëri pol në tjetrin. Një lidhje e shkurtër mes
poleve të baterisë mund të shkaktojë djegie ose zjarr.
d) Nëse nuk përdoret siç duhet, nga bateria mund të rrjedhë lëng;
shmangni kontaktin. Në rast kontakti aksidental, shpëlajeni me ujë. Nëse
lëngu futet në sy, përveç larjes, duhet të kërkoni edhe ndihmën e mjekut.
Lëngu që del nga bateria mund të shkaktojë irritime të lëkurës ose djegie.
e) Mos përdorni një bateri të dëmtuar ose modifikuar. Bateritë e dëmtuara
ose të modifikuara mund të sillen në mënyrë të paparashikuar dhe të shkaktojnë
zjarr, shpërthim ose rrezik lëndimi.
f) Mos e ekspozoni baterinë ndaj zjarrit ose temperaturave të larta. Zjarri
dhe temperatura mbi 130°C mund të shkaktojnë shpërthim.
g) Ndiqni të gjitha udhëzimet për karikimin dhe asnjëherë mos e karikoni
baterinë ose veglën me bateri jashtë diapazonit të temperaturës së
dhënë në manualin e përdoruesit. Karikimi i gabuar ose karikimi jashtë
diapazonit të temperaturës së lejuar mund ta shkatërrojë baterinë dhe të rrisë
rrezikun e zjarrit.
6) Servisi
a) Pajisja juaj duhet të riparohet vetëm nga një personel i kualifikuar dhe
duke përdorur vetëm pjesë këmbimi origjinale. Në këtë mënyrë garantohet
siguria e vazhdueshme e pajisjes.
b) Mos i bëni kurrë servis baterive të dëmtuara. Mirëmbajtja e baterive duhet
të kryhet vetëm nga prodhuesi ose qendrat e autorizuara të shërbimit pas shitjes.
GAR_14820-20.960.02_2023-11-28.indd 135
GAR_14820-20.960.02_2023-11-28.indd 135
1.2.2. Udhëzimet e sigurisë për furçat për pastrimin e barit
Lexojini udhëzimet me kujdes. Njihuni me të gjitha funksionet dhe me përdorimin
e përshtatshëm të produktit.
Mos i lejoni kurrë fëmijët ose personat që nuk i kanë lexuar këto udhëzime të
përdorin furçën për pastrimin e barit. Rregulloret vendore mund ta kufizojnë
moshën e përdoruesit.
Mos e përdorni kurrë furçën për pastrimin e barit nëse ka njerëz pranë, sidomos
fëmijë apo kafshë shtëpiake.
Kini parasysh se përdoruesi është përgjegjës për aksidentet ose rreziqet ndaj të
cilave ekspozohen personat e tjerë ose prona e tyre.
Përdorni gjithmonë mbrojtëse për veshët dhe sytë, këpucë të forta dhe
pantallona të gjata kur përdorni furçën për pastrimin e barit.
Inspektojeni me kujdes sipërfaqen në të cilën duhet të përdoret furça për
pastrimin e barit dhe hiqini të gjithë gurët, shkopinjtë, kabllot, kockat dhe
objektet e tepërta.
Para se ta përdorni, kontrollojeni gjithmonë produktin për t'u siguruar që furça
për pastrimin e barit të mos jetë e konsumuar ose e dëmtuar. Zëvendësojeni
furçën e konsumuar ose të dëmtuar për pastrimin e barit si komplet, në mënyrë
që të ruani ekuilibrin.
Përdorni vetëm pjesë këmbimi dhe aksesorë të rekomanduar nga prodhuesi.
Përdoreni furçën për pastrimin e barit vetëm kur ka ndriçim të mirë.
Siguroni mbështetje të mirë të këmbëve në vende të pjerrëta.
Asnjëherë mos vraponi teksa po përdorni furçën për pastrimin e barit.
Kini shumë kujdes kur e tërhiqni furçën për pastrimin e barit drejt jush.
Sigurohuni që furça për pastrimin e barit të ketë ndaluar para se të kaloni në
sipërfaqe të tjera përveç barit dhe gjatë transportimit të saj.
Përdoreni produktin vetëm me një siguresë të vendosur siç duhet dhe të
padëmtuar.
Mos i ndryshoni cilësimet e kontrolluesit të motorit ose mos e përshpejtoni
motorin.
Ndizeni furçën për pastrimin e barit me kujdes, në përputhje me udhëzimet dhe
mbajeni larg këmbëve.
Mos e ndizni furçën për pastrimin e barit kur përpara saj po qëndron një person
i pranishëm.
Asnjëherë mos i vendosni duart dhe këmbët afër apo nën pjesët rrotulluese.
Fikeni gjithmonë motorin dhe hiqni spinën nga priza në rastet në vijim:
• për të zhbllokuar furçën për pastrimin e barit
• për të inspektuar, pastruar dhe ose punuar në furçën për pastrimin e barit
• për të inspektuar dhe riparuar furçën për pastrimin e barit pasi ka goditur
një objekt të huaj
• për të inspektuar furçën për pastrimin e barit në rastin e një dridhjeje jo
normale
Shtrëngojini mirë të gjitha vidat për të shmangur lirimin dhe lëshimin.
Për të reduktuar rrezikun e zjarrit, pastrojeni furçën për pastrimin e barit nga bari,
gjethet dhe grasoja e tepërt.
Zëvendësojini pjesët e konsumuara ose të dëmtuara.
Mos provoni ta riparoni furçën për pastrimin e barit nëse nuk jeni kompetent për
ta bërë.
1.3. Këshilla sigurie shtesë
1.3.1. Përdorimi i synuar
Furça "GARDENA" për pastrimin e barit pa kordon ka si qëllim pastrimin e
barit nga bashkimet mes pllakave të kopshtit dhe panelet në kopshte private dhe
kopshte të tjerë.
Produkti nuk është i përshtatshëm për përdorim të vazhdueshëm (përdorim
profesional).
1.3.2. Këshillat e sigurisë për bateritë dhe karikuesit e baterive
Lexojini të gjitha këshillat e sigurisë dhe udhëzimet.
Mosrespektimi i këshillave të sigurisë dhe udhëzimeve mund të shkaktojë goditje
elektrike, zjarr dhe/ose plagosje të rënda.
Ruajini këto udhëzime në një vend të sigurt. Përdoreni karikuesin e baterisë
vetëm nëse i njihni të gjitha funksionet e tij dhe mund t'i kryeni ato pa kufizime ose
nëse keni marrë udhëzimet e duhura.
Mos e përdorni produktin në atmosfera shpërthyese.
Mbikëqyrni fëmijët gjatë përdorimit, pastrimit dhe mirëmbajtjes. Në këtë
mënyrë sigurohet që fëmijët nuk luajnë me karikuesin e baterisë.
Karikoni vetëm bateri me jone litiumi të sistemit POWER FOR ALL lloji
PBA 18V me një kapacitet prej 1,5 Ah ose më shumë (5 pila baterie
ose më shumë). Tensioni i baterisë duhet të përputhet me tensionin e
karikimit të baterisë të karikuesit të këtij të fundit. Mos karikoni bateri
që nuk rikarikohen. Përndryshe, ka rrezik për zjarr dhe shpërthim.
Mbajeni karikuesin e baterisë larg shiut ose lagështirës. Uji që hyn
në pajisje rrit rrezikun e goditjeve elektrike.
Mbani karikuesin e baterisë të pastër. Për shkak të papastërtisë ka rrezik
për goditje elektrike.
Para përdorimit kontrolloni gjithmonë karikuesin e baterisë, kabllon dhe
spinën. Mos e përdorni karikuesin e baterisë nëse vëreni ndonjë dëmtim.
Mos e hapni vetë karikuesin e baterisë, sigurohuni që çdo riparim të
kryhet vetëm nga një personel i kualifikuar duke përdorur vetëm pjesë
këmbimi origjinale. Karikuesit e baterive, kabllot dhe spinat e dëmtuara rrisin
rrezikun e një goditjeje elektrike.
Mos e përdorni karikuesin e baterisë në sipërfaqe lehtësisht të
djegshme (p.sh. letër, tekstile, etj.) ose në mjedise të djegshme. Për
shkak të nxehjes së karikuesit të baterisë gjatë karikimit ekziston rrezik zjarri.
Mos i mbuloni hapësirat e ventilimit në karikuesin e baterisë. Përndryshe
karikuesi i baterisë mund të mbinxehet dhe të mos funksionojë më siç duhet.
135
28.11.23 13:44
28.11.23 13:44
Advertenties
